LXXIV Temporada de Ópera de Oviedo: 'Adriana Lecouvreur'

30 Xineru, 2022
LXXIV Temporada de Ópera de Oviedo: 'Adriana Lecouvreur'

Pa pesllar la temporada xube al escenariu del Campoamor un títulu poco representáu n'Uviéu: 'Adriana Lecouvreur', de Francesco Cilea. Dos muyeres, l'actriz Adriana Lecouvreur y la princesa de Bouillon, disputen l'amor de Maurizio de Saxonia, mariscal del exércitu francés.

Diversos malentendíos provoquen un enfrentamientu ente les dos. La intriga fina cola muerte de l'actriz de la Comédie Française.

Ermonela Jaho, qu'estrena esti añu el rol na Ópera de Viena, dará vida a Adriana. Nancy Fabiola Herrera será la so rival amorosa, la Princesa de Bouillon, y Alejandro Roy, Maurizio de Saxonia.

El maestru Daniele Callegari tará nel podiu del Campoamor y Rosetta Cucchi dirixe escénicamente esta coproducción ente la Ópera de Oviedo, el Teatro Comunale di Bologna y Sydney Opera House.
Hora: 19h

Sitiu: 
Teatru Campoamor
Localidá: 
Uviéu
Tipu d'eventu: 
Música
Contador Estadistiques