'La espera', de Diana Velásquez

L'espaciu complexu que xeneren les columnes del Patiu Corintiu, na entrada principal a la Llaboral, ye interveníu al traviés d'una obra interactiva de Diana Velásquez, que propón una reflexón sobre'l pasu del tiempu y la espera a partir de la crisis mundial de la COVID-19. Valiéndose de dellos dibuxos protagonizaos por siluetes de persones mayores, que foron los principales perxudicaos pola enfermedá, l'artista colombiana estampa les sos imágenes sobre teles de formatu grande que ocupen diez columnes, emplegando anaglifos y testures variables qu'animarán a los espectadores a dialogar sele coles pieces. Trátase d'una suerte de 'filera', una reflexón sobre 'la espera', onde diez personaxes diferentes recibirán al públicu, analizando los fenómenos culturales a partir d'una crítica socio-política.

Esta amuesa forma parte de les esposiciones d'AlNorte 2020.
Hora: