IX Primavera Barroca: MUSIca ALcheMica / CANCELÁU

Lina Tur Bonet y Musica Alchemica presenten una velada de música instrumental que principia cola figura de Pandolfi Mealli. Esti músicu, al serviciu del archiduque Fernando de Austria, pasó de ser práuticamente un desconocíu hasta va dalgunos años a ser ún de los representantes punteros del estilu virtuosísticu y fantásticu de la escuela italiana del violín barrocu.

Pela so parte, Falconieri evidenció un gustu marcáu pol descriptivismu. Selma y Salaverde, un español italianizáu, enllazará col refináu universu guitarrísticu de Guerau, del que sentiremos ún de los sos xuegos de diferencies.

Una sonata de Scarlatti arredondia'l programa.
Hora: 20h