Gerardo Bustillo. Por la fotografía, por el arte (1895-1919)

Esposición fotográfica y audiovisual 3D

Gerardo Bustillo Rodríguez (Sagua la Grande, Cuba, 1870 - Somió, Xixñib 1919)




Empezó la so afición a la fotografía hacia 1890. Yera oficial de l'Armada y en 1892 toma parte nel viaxe de circunnavegación de la corbeta Nautilus, periplu del que lleva un diariu personal que documenta con fotografíes propies y ayenes. Va ser na primer década del sieglu XX cuando'l so trabayu fotográficu adquier reconocencia nel ámbitu español, con dellos premios n'esposiciones nacionales y una presencia constante nes revistes especializaes, nes que defende una fotografía dafechu artística na llínea d'un pictorialismu de cuidáu procesu técnicu y de fidelidá a los cánones estéticos d'esti movimientu.



N'Asturies, el so llabor ye primordial pa entender la valoración de la fotografía como arte, más allá de la so función documental. Axuntó a los aficionaos y profesionales nel Foto Club Asturiano (1906), del que foi fundador y primer presidente , ya impulsó en 1909 la Esposición de Fotografía celebrada en Xixón, primer amuesa de calter nacional celebrada n'Asturies, que proxectó la obra de los nuesos meyores fotógrafos. Personalidá abierta ya inquieta, na so última etapa amosó interés pola cinematografía.
Hora: