Cuadonga 2022: 'Cuadonga: una batalla historiográfica'

L'amuesa, encuadrada nel programa d'actividaes de conmemoración de los 1.300 años de la batalla de Cuadonga que programa la Conseyería de Cultura, Política Llingüística y Turismu, y organizada dende la Biblioteca d'Asturies 'Ramón Pérez de Ayala', tien como oxetivu esponer una escoyeta representativa de la producción historiográfica y lliteraria impresa sobre la batalla de Cuadonga dende'l sieglu XVI a los nuesos díes. Van presentase, poro, les obres más relevantes d'historia y creación lliteraria que, o bien tuvieron como oxetu específicu'l fechu de Cuadonga o lu incluyen como finxu destacáu de la nuesa historia.

Hora: De llunes a vienres, de 8.30 a 20.45h / Sábadu, de 10 a 13.50 y de 16 a 20.45h / Domingu: de 10 a 13.50h

Preciu: de baldre