"Cásina", de GAT Grupo de Teatro Alhama

Prestosísima comedia de Plauto cola que'l so autor pretendía despertar la carcaxada del auditoriu del so momentu y, al empar, reflexonar sobre'l poder qu'una clase social pue exercer sobre otra menos favorecida. Si Plauto se refiere a amos y esclavos, la versión llibre d'esti clásicu céntrase nes rellaciones que s'establecen ente un empresariu y los sos empleagaos nuna compañía de variedaes na España de mediaos del sieglu XX.


Los númberos musicales sicalípticos d'estes compañíes de revista y el humor socarrón carauterísticu de Plauto encaxen a la perfeición nesta comedia na qu'un vieyu y adineráu empresariu diseña too tipu d'estratexes p'algamar el favor d'una corista moza, anque la xugada nun acabará como él desea.
Hora: 20:00h.