Buzzcocks

Formáronse en Bolton en febreru de 1976 (primer conciertu, n'abril d'aquel añu) y dende entós ocuparon oficiosamente el cargu honorariu de ser los Ramones británicos. Dicimos dende entós porque'l so novenu álbum, “The Way” (payares de 2014), el primeru que publicaron dende "Flack-Rat Philosophy" (2006), certifica que son cuarenta los años que cumplieron en 2015 al pie del cañón. Esto ye, los sos cantares bala empezaron a salir disparaes cuando la primer folada punk-rock y travesaron un regueru de capítulos de la hestoria del rock (el primeru, el de los Sex Pistols, que inspiráronlos col so explosividad, y más tarde los de Hüsker Dü o Nirvana, dos de los sos alumnos declaraos más aventayaos).
Hora: 22:00h