El TSXA da la razón a Oro No na demanda sobre la caducidá de les concesiones mineres d'Asturgold

El Tribunal Superior de Xusticia d'Asturies (TSXA) dio la razón a la Plataforma Oro No na demanda presentada contra'l Gobiernu sobre la caducidad de les concesiones mineres d'Asturgold pola mina d'oru de Tapia. En concreto, la sala de lo Contencioso-Alministrativo condena al Executivu “a que faiga la tramitación del espediente de caducidá" de les concesiones mineres 'Dos amigos nº 24.371', 'Salave n º 25.380', 'Figueras nº 29.500', 'Ampliación a Figueras nº 29.969' y '2ª Ampliación a Figueras nº 29.820', imponiendo-y a l'Alministración y a la empresa los costos procesales causaes.

 

Tres esta sentencia, Oro No anuncia que va solicitar "que se paralice la tramitación de l'autorización del proyeutu minero de esplotación de 'Salave' hasta que nun se fine dichu espediente de caducidá" y recuerda que'l Gobiernu "podía ser responsabilizáu nel casu de qu'aprobase un proyeutu ensin esperar a un pronunciamientu sobre la caducidá de las concesiones". La plataforma ciudadana tapiega añade tamién que la decisión del TSXA "dexa patente que'l Principáu d'Asturias inalmitió de mou illegal los pidimientos de caducidá presentaos por Oro No, lo que supón una prueba más del tratu illegal y de favor que recibe Asturgold".