Convocatories

Conciertu d'aguilandos, villancicos y cantares ñavidiegos

16 Avientu, 2013
18-12-2013

Villancicos, aguilandos y cantares ñavidiegos recoyíos de la tradición asturiana y acompañaos con instrumentos como panderos, gaita, vigulín, bandurria asturiana, gaita rabil, sonaxes, xiblates y voces, van ser interpretaos polos músicos Pedro P. Sanjurjo, Laura Fernández y Dani García de la Cuesta, con esperiencia abondo na recuperación del patrimoniu astur.

Proyeición de 'Díaz: No limpiéis esta sangre'

18 Avientu, 2013
18-12-2013

Película basada en fechos reales de producción italiana dirixida nel 2012 por Daniele Vicari. Trata del violentu asaltu policial a la escuela Díaz, onde taben abellugaos 90 activistes –la mayoría estudiantes europeos– y un grupu de periodistes, mientres la reunión del G-8 en Genova/Zena nel añu 2001.

A les 20 hores nel Centru Social Autoxestionáu La Semiente (Eladio García Jove 6, L'Entregu).

Entama'l CSA La Semiente. 

Charra 'La recuperación de les tradiciones asturianes de Navidá'

17 Avientu, 2013
17-12-2013

Cola participación d'Alberto Álvarez Peña y representantes de 'Reciella. Families pol asturianu'.

A les 19.30 hores nel Atenéu Obreru de Xixón (Cuadonga 7, primeru izquierda).

Entrada llibre.

Entama l'asociación Ástura en collaboración col Atenéu Obreru de Xixón.

Conciertu de fin d'añu de la Escuela de Música Tradicional La Quintana

17 Avientu, 2013
17-12-2013

Los alumnos de la Escuela de Música Tradicional La Quintana, de más o menos nivel, actúen interpretando pieces deprendíes na escuela, munches vegaes cola compañía del so maestru.

A les 19.30 hores nel salón d'actos del Centru de Cultura Antiguu Institutu (Xixón).

 

'Tradis. Xornaes d'humor y música tradicional d'Asturies' en Bárzana

13 Avientu, 2013
15-12-2013

Coles actuaciones de Marisa Valle Roso, Anabel Santiago, Pablo Carrera y David Varela.

A les 19.30 hores nel salón d'actos de la Casa la Cultura de Bárzana.

Entrada: 5 euros.

Entama AMansalva Producciones cola collaboración del Conceyu de Quirós. 

'Mercadillo solidario'

12 Avientu, 2013
14-12-2013

La cafetería Sal y Azúcar entama un mercadín solidariu nel que collaboren les ONG Sauce, La Casa de la Vida, Fundación Cerro Verde y la Fundación para la Investigación con Células Madres Uterinas (FICEMU).

De 10 a 14.30 hores y de 16.30 a 21 hores nos soportales de Sal y Azúcar, asitiada na cai Gloria Fuertes númberu 14 de Xixón.

 

Xornada pola Reducción de los Residuos

13 Avientu, 2013
14-12-2013

A lo llargo d'esta xornada podremos aprender a reutilizar materiales de refugaya para facer eco-adornos
navidiegos y otros artículos reutilizaos, y informanos sobre dellos problemes como l'atropu de los residuos, la calidá del aire na zona, el proyeutu del Plan de Residuos del Principáu d'Asturies y les campañes de les asociaciones participantes, entre otros temes. Amás, habrá cuentacuentos, actividaes infantiles y talleres variaos.

De 11 a 18 hores n'El Parche (Avilés).

Presentación de 'Pincelaes'

12 Avientu, 2013
13-12-2013

Cola presencia de l'autora Iris Díaz Trancho. Presenta l'actu, Pablo Texón.

L'actu tamién va servir d'inauguración de la esposición de les acuareles de Miguel Pérez Iñesta qu'ilustren la obra.

Díaz Trancho va proceder a la llectura d'ún testu acompañada pol clarinete de Pérez Iñesta.

A les 19 hores na Llibrería-galería Cornión (La Mercé 45, Xixón).

Charra 'Otru fútbol ye posible: pasión, comunidá y cultura popular' en L'Entregu

11 Avientu, 2013
12-12-2013

A cargu d'Iñigo Arza, creador del blogue 'Los ideales del gol', analista deportivu y direutivo del UC Ceares. La esperiencia del club xixonés, equipu de Tercera División qu'esta temporada ye la sorpresa de la categoría xunto col Praviano, va protagonizar la comunicación del de Barakaldo.

A les 20 hores nel Centru Social Autoxestionáu La Semiente (Eladio García Jove, 6).

Entrada llibre.

Entama'l CSA La Semiente.

 

Proyeición de la película-documental 'Searching for sugar man'

11 Avientu, 2013
11-12-2013

Cinta de coproducción sueca y británica dirixida nel 2012 por Malik Bendjelloul sobre la figura del artista conocíu como Rodríguez, que, depués de morrer, convertiríase en Sudáfrica nun iconu de la llibertá y l'anti-establishment poles sos lletres.

A les 20 hores nel Centru Social Autoxestionáu La Semiente (Eladio García Jove 6, L'Entregu).

Entrada llibre.

Entama'l CSA La Semiente.

Pages

more

Efrén d'Andrés

Última viñeta (25 de mayu del 2024)

Espaciu y Tiempu

Xuegos

Enigma Xovellanos
Conoces Asturies
 
Sopa de lletres
Sopa de lletres
Conceyos d'Asturies
Conceyos d'Asturies