Convocatories

A les 19 hores delantre'l Teatru Campoamor (Uviéu) con motivu de la vista d'estradición a Arxentina, prevista pal xueves día 10 na 'Audiencia Nacional', del policía Juan Antonio González Pacheco 'Billy El Niño'. El pidimientu d’estradición ye’l resultáu de les investigaciones abiertes sobre los crímenes del franquismu pola xueza María Servini no que se conoz como 'Querella arxentina'.

Esti coleutivu va facer la ruta 'Miradores del Nalón', de 38 quilómetros, con salida a les 10.55 hores de la estación de FEVE de Pravia y final nel mesmu llugar.

La organización comunica que yá tán zarraes les inscripciones no que se refier a places de tren, polo que los interesaos deberíen xestionar de manera individual el so desplazamientu a Pravia. Nesti casu, al ser una ruta circular, ye posible utilizar el vehículu particular. 

Xera presenta un formatu reducíu de soníu surround pa llevar la so esperiencia musical a sales de conciertos: 'Xera 4.1'. Un conciertu cuadrafónicu onde'l públicu va poder sentir temes de los trés discos espublizaos hasta la fecha pol grupu, esto ye, ‘Lliendes’, ‘Tierra’ y ‘Llume’.

A les 21.30 hores na sala Sir Live (Eugenio Tamayo 3, Uviéu).

Entraes: 5 euros, anticipada, y 8, na puerta.

A cargu de Faustino Zapico, historiador y autor del llibru 'El nacimientu d'una nación. Historia de Sudáfrica', editáu por ArazLlibros.

A les 19.30 hores na Sociedá Cultural Xixonesa (Miranda, 4).