Tertulia Pachín de Melás: 'Fracking: rompiendo Asturies dende dientro'

L'alderique va centrase nesta téunica pa posibilitar o aumentar la estraición de gas y petroleu del subsuelo tan criticada polos grupos ecoloxistes. El procedimientu consiste na inyeición a presión de dalgún material nel terrén col oxetivu d'ampliar les fractures esistentes nel sustratu rocosu que zarra'l gas o'l petroleu, favoreciendo asina la so salida hacia l'esterior.

Cola participación de Paco Ramos, d'Ecoloxistes n’Aición, y de Félix Méjica, de la Plataforma Asturiana Anti-Fracking. Presentación a cargu de Tino Fernández, voceru de Sostenibilidá de Compromisu por Asturies.

A les 20.30 hores nel chigre musical Abre César (San Antonio 7, La Pola Siero).

Entrada llibre.

Entama Compromisu por Asturies.