Republicastur

La Federación Asturiana Memoria y República (FAMYR), presentó la programación del Republicastur 2010. Dientro de los actos va ver una charra y alderique al rodiu la plurinacionalidá nel Estáu español.
 
Otru añu más celébrase’l Republicastur, eventu organizáu pola asociación asturiana de memoria histórica FAMYR. La edición d’esti añu va dedicada a Cristino García y Comandante Robert, guerrilleros antifranquistes asturianos a los que l’asociación quier que-yos dean el títulu fíu predilectu d’Asturies y la medalla d’oru d’Asturies.
 
Dientro de la programación del actu destaca la charra-alderique entitulada “Democracia y Plurinacionalidad”. Nella, aldericarán representantes d’Unidá Nacionalista Asturiana, Izquierda Castelana, BNG y Red de Municipios pola III República. Va ser el sábadu 30 d’ochobre a les 12 la mañana nel Antiguu Institutu Xovellanos de Xixón.
 
Ente los actos tamién va haber una conferencia de José Antonio Alcalde, más conocíu como Comandante Robert, el vienres 29 a les 19 hores; y la entrega de galardones valores republicanos, el sábadu 30 a les cinco la tarde.
 
Conciertu

Per otru llau, los grupos Reincidentes, Fe de Ratas, Galán y Excomunión va poner los soníos punk-rock y rap a la nueche del sábadu. Dende les 20 hores van actuar estes cuatro bandes nel Pabellón d’El Llano de Xixón por un preciu de cinco euros.