Homenaxe a Belarmino Tomás en Llangréu

Coincidiendo col aniversariu de la Revolución d’Ochobre de 1934, Andecha Astur va facer otru añu más un actu n’alcordanza de Belarmino Tomás Álvarez, militante socialista que presidió’l Conseyu d’Asturies y Lleón.
 
Una intervención política, la ofrenda d’un ramu de lloréu y la interpretación de delles pieces de gaites van formar esti actu. La tumba de Berlarmino Tomás nel cementeriu de Pando (Llangréu) ye’l llugar nel qu’homenaxeen el martes 12 d’ochobre a les 13 hores al dirixente socialista.

Al actu va asistir Rafael Fernández Tomás, nietu del homenaxeáu y fundador en Méxicu del Partíu Socialista de los Trabayadores, formación cola qu’algamó ser diputáu federal.

L’homenaxeáu
Belarmino Tomás nació na parroquia de Llavandera (Xixón) en 1892. Destacó na so vida política por ser secretariu del SOMA y ún de los dirixentes asturianos más destacaos del PSOE. Cuando los fechos revolucionarios d’ochobre, presidió’l Tercer Comité Revolucionariu y pactó rendición de la revolución tres el fracasu d’esta. Dempués, en 1937, foi presidente del Conseyu Interprovincial d’Asturies y Lleón, institución que declararía la soberanía del territoriu alministráu mientres la Guerra Civil.

Al aportar el franquismu coló a Méxicu, onde morrió en 1950.