Conciertu de villancicos, aguilandos y cantares navidiegos

A les 19 hores nel Muséu Xurásicu de Colunga

Ye un fechu que nel tiempu de les navidaes entramos nun cambiu de ciclu estacional, y que los distintos festexos que se fain en delles cultures pa celebrar esti eventu, conlleven delles manifestaciones nes que la música tá presente dende hai cuantayá.

Nesta ocasión, el MUJA, www.museojurasico.com/, preséntavos una actividá musical onde al traviés d’un conciertín podrá sentise una esbilla de cantares, villancicos, aguilandos, romances, sones baillables, etc…, usaos na tradición asturiana nes feches ñavidiegues, y acompangaos con instrumentos como panderos, gaita, vigulín, bandurria, gaita rabil, xiblates y voces.
   
Pa ello, contaremos cola presencia de tres músicos asturianos, Pedro P. Sanjurjo, Laura Fernández y Dani García de la Cuesta, que tienen esperiencia abondo na recuperación del patrimoniu astur y que trabayen en diferentes formaciones o escueles de música.