Conciertu de Spanta la Xente nel Tierra Astur de Cualloto

El grupu folk-rock Spanta la Xente va actuar esti xueves 23 d’avientu nel Tierra Astur de Cualloto. La banda l.leniza repasará, dende les 21 hores, los temes del so primer trabayu “Fíos d’esta tierra” (La Mula Torda, 2009).

Formaos nel conceyu L.lena mientres l’añu 2007, Spanta la Xente ye una moza formación qu’amesta folk y rock. Tres de la edición nel 2008 de la so primer maqueta, ficharon pol sellu La Mula Torda col qu’editaron en 2009 “Fíos d’esta tierra”.

El so debú discográficu dio-yos el Premiu Amas a la Meyor Canción Folk con ‘Letavia’ y nominólos a los Premios de la Academia de la Música na categoría de Mejor Canción en Asturiano col cantar ‘Canciu’l mineru’.

Próximu discu
Spanta la xente alcuéntrase anguaño preparando’l so segundu discu d’estudiu; trabayu que, según pudo saber ASTURIES.COM, van entamar a grabar p’hacia febreru del 2011.