Clase d’asturianu na cai

A les 13 hores na Plaza La Escandalera, Uviéu

Tres la reciente resolución del Tribunal Superior de Xusticia d’Asturies, qu’afita que los ratios mínimos d’ocho alumnos nun son conformes a derechu y manda al Gobiernu Asturianu a cumplir la llei y garantizar la enseñanza del asturianu, el nuevu conseyeru de Educación preséntase en comparecencia pública calificando la aplicación de la llei como “despilfarru”, ninguneando’l derechu reconocíu de los estudiantes asturianos a poder estudiar asturianu y anunciando recursu contra la sentencia.

Por ello, na Xunta pola Defensa de la Llingua Asturiana vamos entamar una nueva campaña de movilizaciones pa desixir el cumplimientu de la llei de manera inmediata. La primer d’estes movilizaciones va ser una concentración y clase na cai que va facese a les 13 hores del prósimu sábadu 13 de payares, na plaza la Escandalera d’Uviéu.