Alcuentru “Asociación Amigos de Mieres”

El próximu vienres día 22 d'Ochobre entamamos un alcuentru de socios y simpatizantes de l'Asociación Amigos de Mieres” (entidá que tuvo una gran actividá ente 1968 y 1.991 y qu’un grupu de socios, intenta “rellanzar” nestos momentos);

L’alcuentru va consistir nel descubrimientu d'una placa (19,00 hores) nel local onde empezó les sos actividaes (c/ Ayer nº 4, güei see d'una sucursal de CAJASTUR) a cargu del Alcalde Presidente de Mieres, pa darréu participar nuna “espicha” nel Restorán La Xagosa (Polígonu de Gonzalín de Mieres), onde vamos cuntar cola intervención del Coru Mineru de Turón y la proyección d'un video que recueye la hestoria d'esta Asociación.