Actu informativu “Vivir dignamente ye un derechu”

A les 16.00 nel UTS de Contrueces (cai Río Narcea, 2. Xixón)

Convoca: Asociacion contra la esclusión Alambique y Asamblea de trabayadores en paru y precariedá de Xixón

Ante les últimes declaraciones de la persona responsable de la Conceyalía de Servicios Sociales del Conceyu de Xixón, onde s'afirma que toles persones que la precisen tien accesu a una ayuda d'emerxencia social, creimos  necesariu informar de la situación real  de les persones que s'atopen en situaciones d'emerxencia social por falta de recursos económicos, tantu a la señora concejala como a la sociedá xixonesa.

Con esti oxetivu concentrámonos a la puerta del Conceyu de Xixón antes del entamu del Plenu y  delantre  de la see de la Fundacion Municipal de Servicios Sociales pa denunciar la realidá que s'atopen   les persones que quieren aportar a una Ayuda d'Emerxencia Social ...

Asi atopamos  con unes ayudes que son
INSUFICIENTES, tantu en cantidá como n'algame.

- Hai casos y situaciones que son d'emerxencia y que nun son tramitaes, a criteriu del/el trabayador/a social, quedando por tantu ensin rexistrar nin cubrir. (ejplo: una cocina que da corriente pola que pasa próximu'l conductu del gas, nun se considero necesariocambiarla). Son ayudes ARBITRARIES.
Los requisitos (empadronamientu, estragal d'ingresos, incompatibilidaes...) llinden l'accesu a munches persones. Son POCU ACCESIBLES.

- Dende les asociaciones del Distritu Sur decídese qu'un dineru del presupuestu de la zona vaya pa reforzar estes ayudes y nun ye aceptáu dende'l Ayto. que consideren axudiquen presupuestu suficiente y que nun-y correspuende al Conseyu de Distritu decidir nesti puntu.
Nun son DEMOCRÁTIQUES.

- Nun se facilita información clara y accesible. Nun tán claros los plazos de tramitación y concesión, nin el procedimientu pa saber que derechos tienes al solicitala.
Falta INFORMACIÓN.

- Tienes qu'aceptar un compromisu d'intervención social” cola trabayadora social a la que solicites l'ayuda.
Son CONDICIONAES.

 Mientres l'actu, na mesa d'información habia espaciu pa recoyer firmes y pidir que les Ayudes d'Emerxencia puedan ser realmente utiles.

Por que sían realmente utiles tienen de plantegase como :
-    Ser individuales.
-    Rápides na so tramitación y resolvimientu (non mas d'una selmana) y sencielles nos sos requisitos ( a desenvolver dempués de concedida l'ayuda )
-    Reconocíes como derechu, con un procedimientu claru de tramitación y resolvimientu
-    Con importes suficientes p'atender la emerxencia -
    Rebaxa de la edá pa percibir tol catalogo d'ayudes a los 18 años
-    Complementaries a otres ayudes o recursos económicos
-    Separación de les esixencies de contraprestación o firma d'itinerariu d'incorporación social como requisitu obligatoriu pa poder aportar a les ayudes
-    Ensin llimitación presupuestaria, cúbranse toles emerxencies de xineru a avientu

Mientres los proximos dias dende la Campaña "Vivir Dignamente ye un derechu" vamos siguir coles acciones informatives y de denuncia delantre de les Unidaes de Trabayu Social de la ciudá.