35.000 euros lleven a suspender la Vuelta a Asturies

Esti añu nun va haber Vuelta a Asturies, prueba qu'anicia'l so camín hacia'l so desaniciu. La falta de 35.000 euros pa completar el presupuestu d'esti añu llevó a la organización, el Club Ciclista Aramo, a suspender la competición d'esti añu una selmana enantes del so aniciu. Cristina Mendo acusó a la Conseyería d'Educación, Cultura y Deporte d'incumplir una promesa p'algamar financiación p'ampliar un día más la ronda ciclista, pero ésta nun llegó; una prueba de dos etapes sí yera vidable. La conseyera Ana González respondió que la subvención del Gobiernu supón un cuartu del presupuestu de la Vueta a Asturies y señaló que la falta de perres nun ye responsabilidá del Executivu, que trabayó por ayudar a algamar financiación. El presupuestu total de la prueba yera de 200.000 euros.