La Fundación Jóvenes Empresarios, col sofitu de la Fundación Botín, entama'l xueves en L’Entregu l’eventu ‘Conecta 4x4’ pa poner en contautu a paraos y patronal. Conceyu Abiertu convoca una protesta énte un actu “hipócrita y cínicu”.
La sangría del paru nun para. El númberu de desemplegaos nel mes de febreru medró en 69 persones, marcando asina otru tope históricu: 107.677 paraos. En comparanza colos datos del añu pasáu, hai 8.324 persones más ensin trabayu nel país.
El conseyeru Graciano Torre aconceyó esti martes colos sindicatos pa tratar la situación na que queda la fábrica de Trubia col ERE previstu por General Dynamics. Reclama al Gobiernu estatal qu’encamiente a la empresa a retiralu.
La desapaición de 500.000 tonelaes de carbón nel Almacén Estratéxicu Temporal d’HUNOSA lleva a Compromisu por Asturies a solicitar a la Fiscalía qu’actúe d’oficiu pa esclariar esti asuntu. Nun descarta presentar una denuncia.
El nuesu país zarró’l mes de xineru con 107.608 paraos tres una xuba del 3,68 por cientu nel númberu de desemplegaos nel mes de xineru. Esti datu ye’l más altu dende 1996, cuando principió la serie histórica actual.
Los datos del Encuesta de Población Activa que sitúa’l númberu de paraos n’Asturies en 114.000 lleva a Compromisu a criticar l’aición del “tripartitu”. Acúsalos de mirar más por cumplir los oxetivos marcaos por Madrid que polos paraos.
La Comisión Europea afaló a Rajoy a retrasar otra vuelta la edá de xubilación, que pasó de los 65 a los 67 años nel 2011. La so intención ye frenar el gastu en pensiones y garantizar la sostenibilidá de les finances públiques a plazu llargu.
Tres un añu colos presupuestos prorrogaos, l’Executivu entrante del PSOE consiguió pautar unes cuentes pal 2013 xunto con IX y UPyD. El proyeutu aprobáu pol Conseyu de Gobiernu ye un 1 por cientu menor respeuto al axuste d’agostu.
El mes de payares rexistró 1.832 paraos más nel país, lo que dexa la cifra total de desemplegaos en 105.216. Asturies ye’l territoriu estatal onde más medró’l paru nel añu últimu, un 18,42 por cientu, namái superáu por Melilla (23,49 por cientu).
El xueves pasáu, el PP sacó alantre’l decretu sobre los desallugos col apoyu del so sociu UPN y por UPyD. Compromisu critica la posición d’estes formaciones y califica de “pantomima” l’aprobación d’un testu “dictáu” pola banca.
Un 81 por cientu de los usuarios d’Asturies.com opina que la fuelga xeneral del día 14 nun va llevar al Gobiernu del PP a camudar les sos politiques. El paru tuvo un siguimientu del 92 por cientu nel país, según los sindicatos mayoritarios.
El siguimientu de la fuelga xeneral nel país foi del 92 por cientu, según les cifres apurríes por CC OO, UXT y USO, superando en 12 puntos la media estatal. La xornada, que finó con cinco detenciones, tuvo manifestaciones masives en Xixón y Uviéu.
Esti miércoles, 14 de payares, los asturianos y asturianes tán llamaos polos sindicatos a facer fuelga xeneral contra les polítiques del Gobiernu del PP y en defensa del Estáu del bienestar. Xixón y Uviéu van acoyer les manifestaciones.
La crisis nun da tregua n’Asturies. La multinacional xaponesa Suzuki comunicó al Gobiernu'l pieslle de la planta de Xixón, la única que mantenía activa n’Europa. Esta decisión afeuta a 170 trabayadores de la compañía y a la industria auxiliar.
El paru medró n’ochobre n’Asturies un 20,81 por cientu en comparanza col mesmu mes del añu pasáu, casi el doble de la media estatal: 10,84 por cientu. Ésta ye la tasa más alta del Estáu y dexa la cifra total de desemplegaos en 103.384.
El Conseyu de Gobiernu aprobó esti martes dar “lluz verde” a la solicitú al Fondu de Liquidez Autonómicu (FLA) por 261,7 millones d’euros y a los creitos bancarios por 162 millones. Algamará asina los 423 millones que necesita.
Fernando Lezcano, secretariu de Comunicación de CC OO, confirmó esti vienres que’l miércoles 14 de payares va haber fuelga xeneral en tol Estáu. Esti paru va coincidir col convocáu en Portugal dientro d’una xornada europea de protestes.
L’anteproyeutu de la Llei de Presupuestos pal 2013 incluyirá una xuba d’un 1 por cientu nes pensiones. El Gobiernu del Estáu tamién quier caltener la compensación pola esviación del IPC nel mes de payares.
