“Ye una obra que va dende la memoria personal a la coleutiva”, apunta Santori sobre ‘La lluz heredada’

Xuan Santori presentó en Xixón ‘La lluz heredada’, que xunta dos trabayos previos del escritor: 'La heredá' (2005) y 'La fábrica de lluz' (2008). “Ye una obra que va dende la memoria personal a la coleutiva”, apuntó nun actu enmarcáu con motivu de la declaración de Trabe como ‘Editorial del Mes’ na Casa del Libro.

‘La lluz heredada’ trátase d’una reflexón personal, pero tamién social de l’Asturies d’anguaño, y una reflexón sobre ello. Incorpora, amás de los dos llibros previos, gallardonaos cola Premios de la Crítica qu’entama l’Asociación d’Escritores d’Asturies, collaboraciones en prensa y n'otres espublizaciones nuna cuidada edición na que’l llector va atopar rellatos, pero tamién minientrevistes y poemes.

“Ye una obra que va dende la memoria personal a la coleutiva, buscando exemplos y les influencies que nos faen a nosotros ser como somos, pero tamién como sociedá. Busca si somos una sociedá y la respuesta ye que sí”, apuntó a Asturies.com Santori tres l’actu, que xuntó a numberosu públicu.