Xuníos Podemos va presentar la so candidatura en La Felguera

Esti miércoles va tener llugar la presentación de la candidatura de Xuníos Podemos con un actu en La Felguera. Sofía Castañón y Segundo González, de Podemos, encabecen la llista na que Manuel González Orviz, d'zquierda Xunida (IX), va de númberu 3. Compromisu ta representáu nel númberu 7 por Dolfo Blanco.

Según el comunicáu emitíu de forma conxunta por Podemos y IX, ta prevista la presencia nel actu de Sofia Castañón y Jara González, númberu ún pal Congresu y Senáu, de manera respeutiva, por parte de la formación morada. Nel casu de la coalición van tar González Orviz y Leticia Gil, númberu 5.

Por parte d'EQUO, que tamién participa en Xuníos Podemos, al igual qu'Izquierda Asturiana (IAS), ta confirmada l'asistencia de Lourdes Fernández, númberu 4, y Nacho González, suplente númberu 2 al Senáu de la númberu 3, Lisistrata Suárez Pedre, de Podemos. "L'oxetivu agora de les fuercies del cambiu ye arrebatar la mayoría y desaniciar les polítiques del Partido Popular nuna etapa histórica que pretende ilusionar a la mayoría social qu'esixe'l fin de les polítiques de recortes", espresen nun comunicáu conxuntu Podemos y IX.

L'actu de presentación va celebrase mañana, a les 19.30 hores, na Casa Cultura Alberto Vega de La Felguera.