"Esta vegada somos más fuertes porque somos más", afirma Castañón

|
"Esta vegada somos más fuertes porque somos más", afirma Castañón

Xuníos Podemos, la coalición liderada por Podemos y Izquierda Xunida, presentó la so candidatura por Asturies nun actu celebráu en La Felguera. Sofía Castañón, númberu 1 de la llista pol Congresu, afirmó que "esta vegada somos más fuertes porque somos más".

Nun actu presentáu por Chus Pedro y énte un públicu que dexó pequeña la Casa Cultura Alberto Vega de La Felguera, dellos candidatos de les llistes de Xuníos Podemos al Congresu y al Senáu xubieron al escenariu a intervenir. Ente ellos destacó Castañón, encargada d'encabezar esta coalición eleutoral n'Asturies qu'aspirar a quitar un diputáu al PP y sumar asina trés, como apunta dalguna encuesta.

"Esta vegada somos más fuertes porque somos más", destacó a los medios presentes la diputada nesta llexislatura finada por Podemos. "Nosotres lo que queremos ye que les instituciones tornen a tar al serviciu de la xente y non del Ibex-35. Fixímonos más fuertes y somos más pa ganar, porque amás ye una responsibilidá qu'asumimos con gustu. La mayoría social necesita volver a tomar les decisiones qu'acepten a les sos vides, al so presente y al so futuru", añadió.

Contador Estadistiques