Xuan Xosé Sánchez Vicente recibe'l 'Urogallo' de Llingua Asturiana

El Centro Asturiano de Madrid entrega los sos gallardones del 2017 nun actu na FIDMA.

Marta Arbas va encargase de la presentación de la gala d'entrega de los 'Urogallos' na so diferentes estayes, asina como de la distinción 'Entidad Asturiana del Año', que va p'Astilleros Gondán. Esti agasayu va abrir l'eventu a les 18 hores, cola intervención del presidente de la casa d'Asturies na capital del Estáu, Valentín Martínez-Otero.

A les 18.30 hores va procedese al repartu de los 'urogallos' a los diferentes gallardonaos. Xuan Xosé Sánchez Vicente recibe'l de Llingua Asturiana, mentes que la Nueche en Danza lleva'l de Baille, el de Tonada Sergio Menéndez Fernández y el de Gaita Gonzalo Fernández Ruiz de Zuazo.

El restu de premiaos son: Asociación de Amigos de la Madera Les Forgaxes (Artesanía), Restaurante Casa Berlarmino en Mazaneda (Gastronomía), Anthony Blake (Personaxe Popular), Camilo Xabel Sousa (Defensa de la Natura), Fiesta de la Vendimia en Cangas del Narcea (Festexos), Pablo Carreño (Deportes) y Coral Polifónica de Llanera (Corales), que va encargase de pesllar l'actu con una actuación musical. La Cofradía de la Buena Mesa de la Mar y José Manuel Collado van recibir un 'Urogallo' especial, mentes que Javier Bauluz y UMA-Asociación de Discapacitados del Principado de Asturias, una mención honorífica.