Xuan Santori lleva a Nava la so obra '42.553: Depués de Buchenwald'

|
Cartelu Xuan Santori talleres de llectura de Villaviciosa Buchenwald

Va presentar l'ensayu col que ganó'l Premiu Máximo Fuertes Acevedo del 2017.

Depués de participar nos Talleres de Llectura n'Asturianu de Villaviciosa, Xuan Santoi fai lo propio en Nava pa falar colos presentes sobre '42.553: Depués de Buchenwald', la obra que recueye'l testimoniu vital de Vicent García (La Pola Siero, 1925), esiliáu republicanu deteníu en Francia y deportáu pola Gestapo al campu de concentración de Buchenwald, na contorna de la ciudá alemana de Weimar. Nesti llugar llevábase a la muerte a les persones internaes, la mayor parte por cuestiones polítiques, al traviés del trabayu esclavu pa la industria de guerra nazi.

Precisamente García, residente en Francia, vivió la selmana pasada dellos homenaxes n'Asturies. Uviéu, La Pola Siero y Noreña foron los llugares nos que s'entamaron actos pa honrar a la so persona.

La cita colos llectores y presentación de la obra va ser esta tarde, a les 19 hores, na sala Marta Portal de la Casa Cultura. Esta actividá ta entamada pol Serviciu de Normalización Llingüística 'Comarca de la Sidra'.

 

Contador Estadistiques