Xixón y Avilés tendrán presupuestos

El Plenu xixonés aprobólos esti martes nuna tensa sesión ente la izquierda, mentes que la decisión d'un dividíu PP d'astenese nel del xueves daría lluz verde a los avilesinos.

Foro llogró sacar alantre los presupuestos en Xixón col votu a favor del PP y l'astencion de Xixón Sí Puede y IX tres l'alcuerdu algamáu con estes dos formaciones pa poner en marcha un programa de renta social municipal. El PSOE y Ciudadanos, mentes, opunxéronse a les cuentes con acusaciones de los socialistes a los partios d'izquierda de dar oxíxenu a la derecha.

N'Avilés los presupuestos van votase mañana en Plenu. El PSOE y el PP llegaron a un alcuerdu qu'avaló la xunta llocal, pero non el voceru del grupu municipal, Carlos Rodríguez de la Torre, nin dos conceyales afines que nin siquier nun acudieron al conceyu. La decision final d'astenese o non va cayer en manes del comité executivu autonómicu del PP.