Xaime Martínez presenta'l poemariu 'Hibernia'

|
Xaime Martínez presenta'l poemariu 'Hibernia'

Xuan Bello va acudir al actu lliterariu qu'acueye la uviedina Librería Cervantes.

'Hibernia' ye una obra previa a los llibros en castellanu de Xaime Martínez, na que l'escritor nacíu n'Uviéu nel añu 1993 "va sorprender al llector pola construcción clásica, el rigor formal, la carga emocional y la broma", espliquen dende la editorial Saltadera. El llibru recueyer poemes "que revelen la manera de ser d’esti poeta de la que daba los sos primeros pasos creativos, a camín (en palabres de Rodrigo Olay) ente l’academia y la movida, ente l’alta cultura y lo pop, ente distintes tradiciones, llingües y rexistros: nun mesmu poema remana a Bob Dylan con Ausonio y a Catulo con George Lucas, siempre Víctor Botas al fondu".

Éstos "son tradicionales, pero’l resultáu, clásicu y irreverente, elegante y imprevistu, convencional y novedosu a la vez, ye collecha propia", añaden. L'actu de presentación del llibru de Martínez, graduáu en Llingua Española y les sos Lliteratures na Universidá d’Uviéu, continuando agora los sos estudios en Barcelona, va celebrase na Librería Cervantes a les 19 hores nun actu lliterariu que va contar cola asistencia de Bello.

Contador Estadistiques