Victoria de la coalición PP-FORO

Col 100% del escrutiniu, PP-Foro caltién los 3 diputaos algamaos n'avientu. Xuníos Podemos nun llográ pasar al PSOE.

PP-FORO y PSOE  llogren meyorar los resultaos llograos n'avientu y la suma de Podemos más Izquierda Xunía suma  menos porcentaxe que l'algamáu fai seis mese dixebraos. Ciudadanos caltién el diputáu.

PP-FORO: 3 diputaos, con un 35,28 por cientu de los votos (30,11 por cientu nel 20-A): Susana López Ares, Isidro Manuel Martínez Oblanca y José Ramón García Cañal.

PSOE: 2 diputaos, con un 24,84 por cientu (23,29 por cientu): Adriana Lastra y Antonio Ramón María Trevín.

Xuníos Podemos: 2 diputaos, con un 23,78 por cientu (21,35 por cientu de Podemos y 8,44 por cientu d'Unidá Popular): Sofía Fernández Castañón y Segundo González García.

Ciudadanos: 1 diputáu, con un 12,63 por cientu (13,56 por cientu): José Ignacio Prendes.

Al Senáu, el PP-FORO tendría 3 senadores (Ovidio Sánchez, Mario Arias y Rosa María Domínguez de Posada) y el PSOE ún, Vicente Álvarez Areces.

La participación foi del 68,19 por cientu, mayor que n'avientu, cuando llegó al 63,77 por cientu. El porcentaxe de votos nulos foi del 0,96 por cientu (0,83 por cientu) y en blancu del 0,91 por cientu (0,90 por cientu).

Xuníos Podemos pasa al PSOE sólo nes zones urbanes

La posibilidá del nomáu 'sorpasso' de Xuníos Podemos al PSOE yera dalgo que recoyíen les encuestres espublizaes enantes de les eleiciones, pero ésti al final nun se dio. Namái la coalición sumó más votos que los socialistes nes zones urbanes, con un mayor porcentaxe de xente mozo, como Xixón, Uviéu o Avilés, dalgo que nun se dio en zones rurales. Mentes, en Llangréu y Mieres, la canidatura liderada por Fernández Castañón foi la más votada.

Infografía y datos: Ministerio del Interior