Entama la XII Llexislatura

|
Entama la XII Llexislatura

Güei constituyose en Madrid el Congresu y Senáu resultante de les eleiciones del 26 de xunu.

Esti martes arrancó la nueva llexislatura col alcuerdu ente'l PP y Ciudadanos que permitió a la popular Ana Pastor llograr la presidencia de la cámara. Frutu d'esti pautu foi la vicepresidencia primera algamada pol diputáu asturianu de Ciudadanos Ignacio Prendes.

Los diputaos asturianos d'esta XII LLexislatura son: Susana López Ares,  Isidro Manuel Martínez Oblanca y José Ramón García Cañal (PP-FORO); Adriana Lastra y Antonio Ramón María Trevín (PSOE); Sofía Fernández Castañón y Segundo González García (Xuníos Podemos); y  José Ignacio Prendes (Ciudadanos).

La  diputada Sofia Castañón prometió la so condición de diputada cola frase n'asturianu "poles güeles, poles fíes, poles hermanes: querémosles vives a toes". El so compañeru Segundo González publicó esti mensaxe na so cuenta de Twitter:

 

Tamíen güei constituyose'l Senáu, onde los representantes por Asturies son: Ovidio Sánchez, Mario Arias y Rosa María Domínguez de Posada (PP-FORO)  y  Vicente Álvarez Areces (PSOE).

De la cuenta d'instagram d'Antonio Trevín  sacamos la semeya colos diputaos asturianos a les puertes del Congresu en Madríd.

Contador Estadistiques