Versovera programa un conciertu de Lafu y Rebeca xunto al habitual recital de poesía

Ye l'eventu que programa tolos años la Casa de la Llingua de Corvera con motivu de la Selmana de les Lletres Asturianes.

Corvera aprovecha la oportunidá qu'ufre'l circuitu Autores nel Camín pa entamar un Versovera especial. Asina, al recital de poesía habitual, al qu'esti añu tán convidaos Berto García, Esther García, Aurelio G. Ovies, Xurde Fernández, Esperanza Medina, Héctor Pérez y Susana Sela, incorpora un conciertu de Lafu y Rebeca.

Esti dúu foi'l ganador del XI Premiu al Meyor Cantar, correspondiente a los años 2017 y 2018, con 'Les sombres sobre la yerba'. La cita va ser mañana, a les 18 hores nel Teatru El Llar de Les Vegues, y p'acudir ye necesario acutar butaca llamando al númberu de teléfonu 985.51.40.01 o escribiendo al corréu electrónicu cultura@ayto-corvera.es o al WhatsApp 684.617.879 indicando'l númberu d'entraes que solicita, nomes y apellíos de los asistentes y el DNI del responsable.