Ocho poetes participen nel certame Versovera

|
Cartelu de Versovera 2020 recortáu

Esta cita cola que tolos años el Conceyu de Corvera se suma a la celebración de la Selmana de les Lletres pon al públicu al día de les creaciones poétiques últimes.

El Teatru El Llar de Les Vegues, por cuenta les restricciones d'aforu pola pandemia de COVID-19, acueye esti añu Versovera. El cartelu d'esta edición torna a ser de luxu, cola presencia d'autores de la trayeutoria y el reconocimientu d'Inaciu Galán, Henrique Facuriella, Xaime Martínez, Solinca Turbón, Gonzalo Barreñada, Laura Marcos, Berto García y Elvira Laruelo.

Les persones asistentes van sentir recitar a estos escritores al empar de conocer les creaciones poétiques últimes. L'accesu a la sesión, con comienzu previstu a les 18 hores, ye de baldre, anque ye necesario acutar plaza la traviés del teléfonu 985.51.40.01 o del corréu electrónicu cultura@ayto-corvera.es.

AdxuntuTamañu
Image icon Cartelu de Versovera 2020182.94 KB
Contador Estadistiques