Venti candidatures opten al Premiu al Pueblu Exemplar d'Asturies

L'añu pasáu'l gallardón recayó en Colombres.

La Fundación Príncesa de Asturias dio a conocer la rellación d'aspirantes a llevar el XXVII Premiu al Pueblu Exemplar d'Asturies, que cuenta con reglamentu n'asturianu y castellanu y que respeta la toponimia oficial. En total son venti les candidatures qu'aspiren a esti gallardón que se va fallar el 7 de setiembre n'Uviéu.

Porreñu (Villaviciosa), Vaḷḷe del Cuna (Mieres), Barcia y Ḷḷeixán (Valdés), Centro Asturiano de Oviedo, contorna d'Ozcos, Suarias (Peñamellera Baxa), Rubianu (Grau), Llaranes (Avilés), Asociación Amigos de Cudillero (Cuideiru), Vecinos de Silviella (Miranda), El Puertu (Somiedu), Banduxu (Proaza), Colectivo Asociativo y Vecinal del Municipio de El Franco, Posada (Llanes), La Puela (Ayande), Valdesoto (Siero), Peḷḷuno (Ayer), Pezós, Cue (Llanes) y Ponga son los pueblos, aldees, núcleos de población, espacios paisaxísticos o grupos humanos que podríen resultar escoyíos como Pueblu Exemplar d'Asturies nesti 2016. El xuráu valorará que destacaren "de mou notable na defensa y conservación del so entorno natural, ambiental, del so patrimoniu históricu, cultural o artísticu, n'iniciatives d'impulsu económicu y social o na realización d'obras comunales u otres manifestaciones de solidaridá sobresalientes”.