Uviéu, Onís y Cuaña recuperen la toponimia tradicional

|
Uviéu, Onís y Cuaña recuperen la toponimia tradicional

El Conseyu de Gobiernu dio esti miércoles el preste a los decretos toponímicos d’Uviéu, Onís y Cuaña. D’esta forma, el númberu de conceyos que recuperen la toponimia tradicional asciende yá a 64, con otros cuatro cercanos a completar el procesu.                

Especial importancia tien l’aprobación del d’Uviéu, capital del país y únicu de los trés ayuntamiento con más población pendiente de dar esti pasu. D’esta forma ‘Oviedo/Uviéu’ va pasar a ser el nome oficial de la ciudá, con otros topónimos únicos nel espediente como La Manxoya y dellos billingües como ‘Latores/Llatores’.

La entrada en vigor de los mesmos va producise nel momentu de la so espublización nel Boletín Oficial del Principáu d’Asturies (BOPA) nos díes próximos, al igual que los d’Onís y Cuaña. Con estos trés conceyos yá son 64 los que recuperaron la toponimia, col restu en procesu, a esceición d’Eilao, pendiente d’entamu.

Los espedientes de Cabrales, Llanera, Castropol y Somiedu tán yá en fase avanzada, mientres que Cuideiru, Ayande, Caravia, Ibias, El Valle Baḥu de Peñamellera, Salas, Navia, Pravia y Muros siguen cola tramitación.

Contador Estadistiques