Uviéu aprueba les midíes pa normalizar l'idioma
|
4 Marzu, 2016 por Pablo R. Guardado
La xunta de gobiernu dio'l preste a les propuestes d'Iván Álvarez López, conceyal d'Interior, p'avanzar na normalización.
En total son sietes les midíes pal fomentu del asturianu n'Uviéu, ente les que s'inclúi la rotulación billingüe progresiva, ensin distinciones tipográfiques ente'l castellanu y l'asturianu, de les dependencies oficiales del conceyu, asina como de les víes públiques d'Uviéu emplegando ‘Cai/calle'. Tamién se va rotular n'asturiano tola maquinaria y los vehículos de propiedá municipal nuevos y se va incorporar l'idioma na indumentaria de los trabayadores municipales.
El Conceyu d'Uviéu va facilitar d'igual forma l'asistencia a cursos de formación a los funcionarios col oxetivu de facer cumplir la Llei d'Usu y Promoción del Bable/Asturianu na alministración llocal, valorarando'l conocimientu del idioma nes oposiciones que lo requieran y nos concursos convocados pol Ayuntamientu. Por último, establez renovar y adecuar de forma progresiva la rotulación toponímica de planos oficiales d'Uviéu acorde col decretu correspondiente que va aprobar la Xunta Asesora de Toponimia.
Según espliquen dende l'ayuntamientu, l'aprobación d'estes midíes a propuesta de la conceyalía dirixida por Izquierda Xunida (IX) busca apostar pola llingua asturiana "como patrimoniu social y cultural".
Efrén d'Andrés
Lo + visto de la selmana
