Tuenda actúa na gala de los Premios Lliterarios
- Luis Navazo lleva’l VIII Premiu Alfonso Iglesias
- Vanessa Gutiérrez gana’l XXII Premiu Máximo Fuertes Acevedo d’ensayu
- Carbajal repite como ganadora del Premiu Xuan María Acebal de poesía dos años depués
- El IX Premiu María Xosefa Canellada, pa ‘La mar’ d'Adolfo Camilo
- ‘El valor del rei’, de Xulio Arbesú, algama’l XXXVII Premiu Xosefa Xovellanos
- "En trés décades consiguimos crear un corpus lliterariu al altor de cualquier lliteratura moderna", destaca Alonso
|
22 Avientu, 2016 por Redacción
- Inicie sesión o rexístrese pa espublizar comentarios
Los cincos gallardonaos van recibir el 'Árbol de les lletres' nel paraninfu de la Universidá.
La gala d'entrega de los Premios Lliterarios 2016, los más importantes de les nueses lletres, va celebrase esta tarde de magar les 19.30 hores. La Conseyería d'Educación y Cultura vien convocándolos dende hai más de trenta años estos gallardones "cola mira d’afitar la llingua asturiana como vehículu d'espresión lliteraria de primer orde".
Los premiaos nesta edición son Xulio Arbésú, con 'El valor del rei' (XXXVII Premiu Xosefa Xovellanos de novela); Ángeles Carbajal, con 'Un vasu d'agua' (XXII Premiu Xuan María Acebal de poesía); Vanessa Gutiérrez, con 'El paisaxe nuestru' (XXII Premiu Máximo Fuertes Acevedo d’ensayu); Adolfo Camilo Díaz, con 'La mar' (IX Premiu María Xosefa Canellada de lliteratura infantil y xuvenil): y Luis Navazo, con 'Indianu' (VIII Premiu Alfonso Iglesias de cómic con ‘Indianu’). Toos ellos van llevar un 'Árbol de les lletres', una pieza artística esclusiva de l'artista Charo Cimas.
La gala, que va desendolcase nel paraninfu de la Universidá d'Uviéu, tien tamién como aliciente la intervención musical del grupu Tuenda, tríu formáu por Xosé Antón Fernández 'Ambás', Elías García y Pepín de Muñalén.
Efrén d'Andrés
Lo + visto de la selmana
