Trabayadores de supermercaos y de la ITV van facer fuelga

Los paros van tener llugar n'ocho y cinco feches d'esti mes, de manera respeutiva.

UXT, CC OO y USO convocaron fuelga nel sector minorista de la l'Alimentación –nun afeuta a Mercadona, Dia o Familia– pa reclamar un ameyoramientu de les condiciones salariales y sociales, denunciando la falta d'enfotu de la patronal na negociación, lo que-yos obliga a llevar la protesta, al igual que l'añu pasáu, a la Navidá. Los paros van tener llugar los díes 21, 22, 23, 24, 28, 29, 30 y 31 d'esti mes, feches nes que los trabayadores esperen el sofitu de los consumidores.

Tamién van a exercer esti derechu los emplegaos de les nueve estaciones d'ITVASA, nesti casu por falta de personal y pol retrasu na recuperación de la xornada llaboral de 35 hores selmanales. Los díes previstos pa la fuelga son el 11, 12, 17, 18 y 19. 

Si nun hai avances na resolución del conflictu cola empresa, de titularidá pública, los conductores con cita pa facer la ITV van tener que garrar otra pa más alantre. Los sindicatos convocantes son los que tienen representación nel comité, esto ye, CSIF, CC OO, UXT y CSI.