Tornen los contaxos

Tres l'ausencia de positivos nuevos por PCR el miércoles, el xueves deteutáronse 3.

Los datos de la pandemia de COVID-19 tornaron a dexar casos nuevos por PCR tres la primera xornada ensin contaxos dende'l 3 de marzu. Aquel día había 2 y hasta los 2.356 nun paró de medrar.

Sicasí, la cifra sigue siendo baxa, un total de 3. No que respeuta a les pruebes feches con tests d'anticuerpos, diéronse 26 positivos.

Dos finaos

Les cifres de muertes, salvo dalgún pequeñu reposu, siguen medrando día a día. Ayeri hebo 2 finaos más, polo que la cantidá de persones que perdieron la vida pola enfermedá causada pol coronavirus SARS-CoV-2 asciende a 310.

Onde la situación ye meyor ye nes UCI y nes plantes, con 23 y 61 ingresaos anguaño, tres rexistrar 1 y 12 pacientes menos, de manera respeutiva. Cuenten col alta epidemiolóxica dende l'entamu del andanciu 1.053 persones al recibila otres 7 persones na xornada.