Sofía Castañón y Segundo González, los dos asturianos na llista de Pablo Iglesias

|

Convócase una Asamblea pa iguar una llista asturiana alternativa

Segundo González García ye'l responsable del área de finances y transparencia de Podemos. Esti asturianu residente en Madrid ye tamién miembru del Conseyu Ciudadanu estatal de la organización. Sofía Castañón ye escritora y realizadora audiovisual y pertenez al Conseyu Ciudadanu de Xixón, pal que foi escoyida na llista de Somos Xixón.

Asamblea por una llista asturiana

Pel so llau el vienres 10 hai convocada n'Uviéu una Asamblea por una llista de confluencia asturiana pal procesu de primaries de Podemos, que va enfrentase a la llista oficial impulsada por Pablo Iglesias. La convocatoria faise colos plazos mui axustaos, yá que'l plazu pa presentar candidatures acaba'l mesmu vienres y espérase que na plancha asturiana participen cargos públicos de la organización y miembros de los conseyos ciudadanos asturianos.

La refuga a la llista de Pablo Iglésias n'Asturies ta siendo pràcticamente unánime. El modelu de primaries, que foi aprobáu nel Conseyu Ciudadanu estatal col votu contrariu del Secretariu Xeneral n'Asturies, Daniel Ripa, plantega una circunscripción única pa tol estáu, na que los sos miembros "escueyen" la provincia pola que se presenten, en función del númberu de sofitos recibíos.

Contador Estadistiques