Skontra y K-Nalón, na folixa pol segundu aniversariu de La Llume
|
23 Setiembre, 2016 por Redacción
- Inicie sesión o rexístrese pa espublizar comentarios
Va celebrase esti sábadu nuna xornada na que Fernando González presenta la segunda edición del llibru 'Amarraza'.
El comienzu de la folixa ta previsto pa les 18 hores y, media hora más tarde, será'l turnu de la charra-presentación del rellatu de González editáu por Sofitu. Nél cuenta los 102 díes nos que tuvo baxo la llei terrorista por un supuestu delitu del que salió absueltu.
La parte musical de la fiesta va ponela, de magar les 21 hores, Skontra y K-Nalón. Nel casu del grupu de punk-folk, va ufrir un conciertu en formatu acústicu.
La entrada pa toles actividaes de mañana nel Centru Social Autoxestionáu La Llume, na xixonesa cai Nava, ye de baldre.
Efrén d'Andrés
