El CSA La Llume celebra'l so segundu aniversariu con delles actividaes

Una charra sobre la esperiencia d'activistes en campos de refuxaos en Grecia abre esti ciclu d'eventos y talleres.

El xixonés Centru Social Autoxestionáu La Llume cumplió ayeri dos años de vida y celébralo con delles actividaes como charres, talleres y munches novedaes, a lo qu'hai que sumar un mural fechu por Belén y Lucía (Luna y Tuero). El primer eventu previstu va tener llugar esta tarde, de magar les 19 hores, y lleva'l títulu de 'Esperiencia nos campos de refuxaos de Tesalónica y Península de Macedonia', a cargu de les catalanes Ana y Laura Martínez, enfermeres que tuvieron como voluntaries nel país helenu, y Sergio, voluntariu independiente y ún de los condenaos na fuelga xeneral del 14-P.

La folixa del segundu aniversariu, sicasí, va treslladase al sábadu 24. Enantes, esti mesmu sábadu, va celebrase en La Llume un taller de xabón, y van a echar a andar el ximnasiu popular y l'Aula Popular La Llume.

Tamién ta en marcha la campaña pa recoyer material escolar pa los participantes nel Aula Popular. La xente interesao en collaborar pue facer les sos aportaciones n'horariu de 19 a 21 hores nel llocal asitiáu na cai Nava.