Skama la Rede asoleya l'últimu de los cuatro cantares nuevos

|
Cubierta 'Sois la llume' Skama la Rede

Trátase de 'Sois la llume', tema de reivindicación feminista. La banda prepara'l conciertu de Candás xunto a La Tarrancha que pon el ramu a la xira del 15 aniversariu.

Esta mañana Skama la Rede xubió a les platafomes dixitales el cuartu de los cuatro cantares que grabara al entamu del añu y que foi presentando adulces. El primeru, en mayu, vieno con videoclip, 'Ella nun escaez', el primeru tamién de la historia de la banda, pa depués aportar en xunu 'Traidor' y n'ochobre 'Escoyi'.

Agora llega 'Sois la llume', un "homenaxe a la llucha de les muyeres". La estrena del cantar sirve pa calecer motores de cara al conciertu fin de xira del 15 aniversariu de Skama la Rede, que va tener llugar el sábadu 21 na Casa'l Pueblu de la CNT, en Candás, con La Tarrancha como grupu convidáu y entraes a 5 euros.

Contador Estadistiques