Silvia Quesada actúa nel Cine Marvi de Tinéu

En formatu acústicu, dientro de la so xira de presentación de 'Prefiero ver llover'.

Xuega en casa mañana Silvia Quesada. La cantante va llevar los cantares del so discu nuevu, el segundu, al Cine Marvi de Tinéu, nuna actuación que va principar a les 19 hores.

Tres xubir al escenariu en San Mateo hai pocos díes pa collaborar col gaiteru gallegu Carlos Núñez, la tinetense sigue cola xira de presentación de 'Prefiero ver llover', Premiu AMAS Meyor Discu d'Escenes Nueves, nel que ta incluyíu'l so ésitu 'La mesma revolución'. Ye con una actuación n'acústicu acompañada al pianu por Alfredo González con entrada llibre previa retirada d'invitación, que se va poder facer na puerta una hora enantes del conciertu.

Na semeya, actuación de Quesada en Tinéu, nel Palacio de Merás col aforu completu, pa despidir la xira del so primer discu, 'La pena abierta'.