Segunda xornada perriba de los 700 contaxos

Magar esta cifra, nun aumentaron les hospitalizaciones nuna xornada con 3 finaos.

La Conseyería de Salú comunicó la detección ayeri de 705 casos nuevos de COVID-19. Son 22 menos que'l miércoles, cuando se rexistraron 727, cantidá más alta del 2021, pero siguen siendo munchos contaxos.

La nota positiva ye que l'aumentu de positivos nun se convirtió nuna medría de la presión hospitalaria. Nuna xornada na que finaron dos muyeres de 97 y 66 y años un home de 82 años, polo que'l total de muertes nel andanciu llegó a 2.126 –auméntase en 1 cola actualización por un casu non contabilizáu en díes previos–, les persones hospitalizaes baxaron de 191 a 187.

Ayeri había en planta 145 pacientes, 4 menos, y 42 na UCI, mesma cantidá que'l martes.

53 biltos activos

Na selmana del 6 al 12 d'avientu comunicáronse 16 biltos nuevos, polo que nesi momentu había 53 focos activos con un total de 557 casos. Son 2 brotos más que la selmana anterior.

Na semeya, vial d'AstraZeneca. El SESPA yá ta citando a les persones que recibieron esta vacuna p'alministra-yos la dosis de refuerzu, que va ser de la de Pfizer o de la de Moderna.