Santuyanu yá ye oficialmente Santuyanu

|
Santuyanu yá ye oficialmente Santuyanu

El BOPA espublizó'l decretu toponímicu de Les Regueres, polo que los nomes de llugar tradicionales del conceyu pasen a ser los oficiales en sustitución de los castellanos.

L'Ayuntamientu de Les Regueres nun apostó por nengún topónimu billingüe, tampoco na capital Santuyanu, derogando asina 'Santullano', polo que tolos asturianos son los que dende güei han de ser emplegaos poles autoridaes llocales, nacionales y estatales. Sotu, en cuenta de 'Soto', Tresmonte de 'Trasmonte', Valdunu por 'Valduno' y L'Escamplera en sustitución de 'Valsera', son les parroquies que cambien de denominación.

Otres aldees como Alcéu (hasta agora 'Alcedo'), Andayón ('Andallón)', Miobra ('Meobra) o Les Cruces ('Las Cruces') recuperen el so topónimu tradicional. Mentes, tamién se recueyen topónimos non rexistraos hasta la fecha como El Barrusiellu, L'Escriz o La Pipera, na capital, amás d'otres munches en tol conceyu como En Ca Madéu, El Rozu, Cuetu o El Castiellu.

Les Regueres ye'l conceyu númberu 61 n'oficializar la so toponimia. En distintes fases tán los 17 restantes, esto ye, Uviéu, Cabrales, Llanera, Castropol, Cuaña, Onís y Somiedu, en fase avanzada; y Cuideiru, Ayande, Caravia, Ibias, El Valle Baḥu de Peñamellera, Salas, Navia, Pravia y Muros, en trámite; amás d’Eilao, entovía en procesu d’entamu.

AdxuntuTamañu
PDF icon BOPA Topónimos Les Regueres441.34 KB
Contador Estadistiques