Salú comunica 70 casos nuevos esti llunes

La tasa de positividá asitióse nun 2,85 por cientu nuna xornada na que hebo que llamentar un total de 5 muertes.

La Conseyería de Salú avanzó qu'ayeri se detectaron 70 contaxos –4 más según los datos oficiales–. Son 11 menos que'l domingu, cuando'l porcentaxe de positivos sobre pruebes de diagnósticu d'infeición activa foi del 6,08 por cientu tres la realización de 1.957.

Nes 24 hores últimes realizáronse 3.265, polo que la tasa de positividá baxa al 2,85 por cientu. Concide col porcentaxe a 7 díes, que na actualización última taba nel 2,9 por cientu.

5 persones finaron ayeri cola enfermedá causada pol coronavirus SARS-CoV-2: cuatro homes de 92, 89, 88 y 69 años y una muyer de 89, de los que nengún vivíen en centru residencia. Dende qu'entamó l'andanciu yá s'acumulen 1.341 muertes.

Hai hospitalizaos 224 pacientes con confirmación o sospecha de COVID-19, a los qu'hai que sumar 63 que tán na UCI. Son 5 y 2 menos que'l domingu, de manera resputiva.