Salú comunica 313 casos nuevos esti llunes

Finaron 5 persones con COVID-19 na xornada.

La Conseyería de Salú informó de la detección de 313 casos nuevos de COVID-19 ayeri. Ye una cantidá daqué superior a la media diaria de la selmana pasada, asitiada en 270.

Sí ameyoraron les cifres d'hospitalizaos, pasando de 166 a 153. D'ellos tán en planta 133, 14 menos que'l domingu, y 20 na UCI, 1 más.

Hebo que llamentar la muerte de 4 muyeres de 95, 89, 72 y 68 años y un home de 67 esti día. No que va d'andanciu perdieron la vida con esta enfermedá 2.511 persones.