Salú comunica 269 casos nuevos qu'igualen el récor de la pandemia

Va instalase un hospital de campaña nel esterior de Cabueñes esti vienres.

Los datos oficiales de la COVID-19 dexaron 269 casos nuevos ayeri, que na serie son 267 por dos duplicaos en díes previos, polo que'l total queda en 9.108. Ye la cifra más alta de tola pandemia, igualando la del sábadu.

Na xornada fixéronse 4.763 pruebes PCR, lo que dexa la tasa de positividá nel 5,6 por cientu. D'esta forma torna a superase la barrera del 5 por cientu depués de que'l martes fora del 4,13 por cientu.

Hai que llamentar la muerte de seis persones: trés homes de 98, 75 y 74 años y trés muyeres de 93, 88 y 65. Trés yeren usuarios de centros residenciales sociosanitarios.

Siguen 39 pacientes na UCI, mentes qu'en planta hai 4 más, que dexen el total en 264. Una persona recibió l'alta epidemiolóxica, polo'l que les curaciones lleguen a 2.361.

Saturación en Xixón

Otra manera, mañana va instalase un hospìtal de campaña en Cabueñes. La razón ye la saturación que ta viviendo la instalación xixonesa nes urxencies.