Salú comunica 139 contaxos esti llunes

La cantidá de pacientes ingresaos con COVID-19 aumenta hasta 166, 26 d'ellos na UCI. 6 persones finaron en cuatro díes.

La Conseyería de Salú rexistró 772 contaxos dende'l xueves, xornada na que se comunicaron los datos oficiales últimos de la COVID-19 nel país. D'ellos, 139 correspuenden a ayeri, de los 2 tuvieron que ser hospitalizaos.

El Serviciu de Salú del Principáu d'Asturies (SESPA) fixo 3.039 pruebas PCR nes 24 hores últimes, polo que la tasa de positividad asitiáse nel 4,57 por cientu. Asturies torna asina a baxar del 5 por cientu que marca la Organización Mundial de la Salú (OMS) como llende pa tener controlada la pandemia, depués de 3 díes superándola.

Nos cuatro díes últimos hai que llamentar seis muertes, que ponen el total de finaos cola enfermedá provocada pol coronavirus SARS-CoV-2 en 366. Mentes, hai 2 persones más na UCI (26) y 47 en planta (140).

Mentes, 17 persones recibieron l'alta epidemiolóxica, polo que'l total de curaciones queda en 2.317.

877 estudiantes aisllaos

Asturias suma dende'l martes pasáu hasta ayeri 41 aules, 31 docentes y 877 estudiantes aisllados como consecuencia de l'apaición de casos positivos de COVID-19 venceyaos a centros educativos públicos, concertados y privaos, incluyíes les escuelas de 0 a 3 años. Esto supón que confinaron el 0,51 por cientu de les 7.887 clases y al 0,72 por cientu del alumnáu d'Infantil al Bachilleratu y la Formación Profesional presencial.

La Conseyería de Salú notificó nos 7 díes últimos 100 positivos por coronavirus SARS-CoV-2 ente l'alumáu y otros 22 ente'l profesoráu y los monitores de servicios complementarios como'l comedor o'l tresporte escolar.