Reabiertos al tráficu los dos carriles de l'AS-II en direición a Xixón

|
Obra accesu HUCA dende l'AS-II 25 de xunu del 2018

Taben zarraos por mor de les obres nos accesos al HUCA dende l'autovía.

La Conseyería d'Infraestructures reabrió al tráficu esta madrugada los dos carriles de l'autovía AS-II en direición a Xixón, recuperando asina la circulación en dambos percorríos, anque va permanecer cortáu'l ramal d'entrada a la rotonda superior del enllaz de La Corredoria pa executar les cimentaciones y alzaos de la estructura que sobrevuela la vía y que da accesu al barriu. Tamién va tar cortada la calzada de l'autovía direición a Uviéu, lo que va esviar el tráficu de manera fluyida pel mesmu enllaz de La Corredoria, al traviés de los sos ramales d'entrada y salida.

La entrada al barriu va poder realizase de les siguientes maneres: los conductores que circulen pela autovía AS-II en direción Uviéu van facelo, como hasta agora, pel mesmu enllaz de La Corredoria; los que que circulen pela AS-II en direición Xixón van poder optar pol enllaz de Llugones o'l de la Venta’l Gallu y circular depués peles cais Corredoria Alta y Baxa; los vehículos que vengan d'Uviéu pueden usar la rotonda de Luis Oliver y tomar les cais Corredoria Alta y Baxa. Mentes, l'accesu a Cuyences va poder facese dende'l mesmu enllaz de la Corredoria pa los conductores que circulen pela AS-II en direición Uviéu, como hasta agora; mentes que los que vienen d'Uviéu tienen dos opciones: circular pela AS-II en direición Xixón y retornar con direición Uviéu nel enllaz de Llugones o circular pela cai Corredoria Alta y pasar pel Pontón de Vaqueros.

Contador Estadistiques