Radagast trai 28 rellatos de dellos autores en 'Fecho na cuarentena'

En formatu dixital y descarga de baldre, inclúi histories de temátiques diferentes que van de la ciencia ficción al terror románticu.

La nueva editorial asturiana de fantasía, rol y ciencia ficción, Ediciones Radagast, nacida a partir del ésitu de primer xuegu de rol en llingua asturiana, 'Depués d'ochobre', capaz de recaudar 12.856 euros nuna campaña de micromecenalgu popular na rede, cinco veces más de lo necesario, ta amosando una destacada actividá nestos primeros meses, con dellos proyeutos en marcha. Ún que yá ye realidá ye 'Fecho na cuarentena' un llibru de rellatos n'asturianu, castellanu y gallego-asturiano "pa facer más llevadera la cuarentena".

Laura Marcos, José Ángel Gayol, Inaciu Galán, Arancha Prado, Víctor Suárez, Nicolás Bardio, Paula Pulgar, Miguel Monteavaro, Alba Carballo, María Luz Pontón o Blanca Fernández son dalgunos de los autores que participen nesta iniciativa con histories escrites a costafecha pa esti llibru o cediendo rellatos previos. En total son 28 trabayos, de los que 17 tán en llingua asturiana, 10 en castellanu y 1 en gallego-asturiano.

Pa poder disfrutar de la so llectura namái ye necasariu calcar nesti enllaz y entamar la descarga de baldre. Dende Radagast pretenden asina sofitar la cultura asturiana ufriendo altenatives d'entrenimientu a la ciudadanía mientres estos díes de quedar en casa por cuenta de la COVID-19.